Search This Blog

Wednesday, May 25, 2011

ALIMPATOK: Libro Ti Erotiko A Daniw

Kadakayo amin nga kayatna a mangipamaldit iti bukod da a daniw-erotiko, mabalinkayo pay lang nga kumamakam. Adtoy ti pakaammo ni apo Bannawag editor Ariel Tabag:

Naimbag nga orasyo, Apo.

Gapu ta napagnunumuanmi ti agsasarak no bigat kada Appo Roy Aragon ken Mighty Rasing tapno pagpapatangan daytoy a proyekto, yawismi manen, Appo, ti pannakikammaysayo itoy a gannuat. Mabalin met nga uray no diyo maikamakam agingga no bigat, ta kas iti naisurat iti baba, agingga iti Mayo 31, 2011. Ngem bareng no madagdag wenno matignaykayo ket diyon maiturturog :-)

Dios ti agngina.


Alimpatok: Antolohia dagiti Erotic a Daniw dagiti Ilokano, Isagsaganan ti Daniw ken Basi
Maisagsaganan ti Alimpatok: Antolohia dagiti Erotic a Daniw dagiti Ilokano. Ipablaak daytoy ti Daniw ken Basi, maysa a tignay dagiti mannaniw nga Ilokano. 

Agpaay nga editor da Roy V. Aragon, Mighty C. Rasing ken Ariel S. Tabag
Pagalagadan iti Panagidatag: 

1. Uray mano ti daniw nga idatag (di pay naipablaak wenno naipablaaken iti magasin, wenno dadduma pay a babasaen, wenno naipaskilen iti Internet). No naipablaak wenno naipaskilen, masapul nga adda notasion iti baba ti sinurat mainaig iti detalye ti pannakaipablaak daytoy. Segun ketdi iti pangngeddeng dagiti editor dagiti mairaman a daniw. Karbengan dagiti editor ti di mangipablaak kadagiti maidatag a daniw a di makapatar iti pagrukodanda. 

2. Erotic a daniw ti idatag. No erotic, kunatayo, addaan iti sabali nga elemento a manglibtaw iti maysa a gagangay a daniw ni ayat, maipangep man dayta iti panagyala, naun-uneg a sensualidad, wenno elemento ti panagiparipirip ti maysa a seksual nga aktibidad.

3. Mapakuyogan dagiti sinurat iti pakasaritaan ti biag ti autor (saan nga at-atiddog ngem maysa wenno dua a parapo), karaman dagiti contact information (adres, numero ti telepono/selpon, e-mail). 
4. Ipatulod babaen ti e-mail dagiti sinurat iti rvaragon@gmail.com, mightyrasing@gmail.com wenno ariel.tabag@gmail.com

5. Masapul a maawat dagiti daniw (nayemail man wenno babaen ti koreo) iti di naladladaw ngem Mayo 31, 2011. 
6. Agdalan dagiti daniw iti naiget a panagarisit dagiti editor. Mapakaammuan dagiti autor a mairaman iti antolohia dua lawas kalpasan ti naituding a deadline. 

7. Maipablaak ti libro iti wagas a tagnawa, wenno panidna, bayadanna. Masuktanto ketdi iti libro a ti bilangna, depende iti kaibatogan ti naitagnawa a gatad. (Nupay sirsirpatenmi ti posibilidad nga adda mangyabaga iti pannakaimprentana.)

8. Para iti dadduma pay a detalye, makiuman kadagiti editor iti e-mail iti ngato wenno iti selpon 0918-745-8792.
--
Dios ti agngina,

ARIEL S. TABAG
http://pakarsoniasseng.blogspot.com
editor, daniw iti bannawag
direktor, gumil filipinas
bahista, samtoy / pilo

No comments: